ഒഫ്താല്മോളജിസ്റ്റ്
കറുത്ത കാഴ്ചകളുള്ള,
കാട്ടാളന്റെ കണ്ണുകള് ചുവന്നു തുടുത്തു
മഹാവൈദ്യന്,
തുള്ളി തുള്ളിയായി
മരുന്ന് ഒറ്റിച്ചു കൊടുത്തു.
നീ, നിന്റെ കാഴ്ചകളെ
കൈ കൊണ്ട് തൊട്ട് അശുദ്ധമാക്കരുത്
ഗുഹയില് നിന്നും പുറത്തുവന്ന്
ഈ മരങ്ങള്ക്കിടയില്
ധ്യാനിച്ചിരിയ്ക്കുക.
പിന്നെ,
നിന്നെ മൂടിയ പുററ് പൊട്ടിച്ച്
തെളിഞ്ഞ കണ്ണുകളുമായി
വെളിച്ചത്തിലേയ്ക്ക്
ഉണര്ന്നെണീയ്ക്കുക.